OBRADOIRO DE COMPADRES/COMADRES.
O Entroido en Ourense ten un significado especial na cultura da cidade e queremos destacar a celebración dos Xoves de Compadres e de Comadres dentro das distintas xornadas desta gran festa popular achegando ao colexio a creación dos mecos para a súa loita final.
Explicarase brevemente a historia dos compadres e comadres, cal é a súa orixe, como se facía antigamente e os materiais que se utilizaban. O servizo de monitoraxe conducirá a actividade, sendo o propio alumnado os auténticos creadores. O smateriais utilizados serán xornais, lá, papel seda, pinturas. Para a animación das loitas de compadres e comadres levaráse a cabo un desfile cos traballos realizados. A continuación as loitas, buscando a parte máis tradicional da festa.
TEMPORALIZACIÓN
18/02/2025 OBRADOIRO DE REALIZACION DOS MECOS: 1º,2º,3º INFANTIL E 1º PRIMARIA
19/02/2025 OBRADOIRO DE REALIZACIÓNDOSMECOS:2º,3º,4º,5º E 6º DE PRIMARIA
20/02/2025 XOVES DE COMPADRES ( LOITAS COS MECOS)
27/02/2025 XOVES DE COMADRES ( LOITAS COS MECOS)
REPARTO DE ORELLAS DE ENTROIDO.
Como xa ven sendo unha tradición, o alumnado terá tempo para gozar da parte gastronómica do entroido, as ORELLAS. Polo que, o xoves de comadres, 27/02/2025, realizaremos unha degustación no colexio. Teremos en conta aos nenos e nenas con intolerancias.
COMPARSA ENTROIDO FREI CANEDO.
Co ánimo de pasar unha xornada divertida no entroido do noso barrio, o FREI CANEDO, propomos xuntarnos as familias para ir ao desfile.
Disfraz: repetimos a temática do colexio, “AO LONGO DA HISTORIA”.
NENAS/OS: aproveitaremos os disfraces do cole.
PERSOAS ADULTAS: deberán vir disfrazadas da mesma etapa histórica que a nena/o que acompañan.
Quedamos: Ás 18.00h do 03/03/25 no colexio para ensaiar un par de coreografías e sair xuntas/os cara o desfile.
Obrigatorio que cada persoa menor de idade veña acompañado por nai/pai/titor legal ou persoa responsable.
