Luns, 2 de decembro de 2024.
Actividades no centro. CULTIVANDO o BoTrato. Curso 2024/2025
Etapa infantil, obradoiro “Familias diversas, familias felices”
Realizouse unha sesión por cada nivel educativo, cos grupos de 3, 4 e 5 anos. Estas tiveron lugar o 27/11 (grupos de 3 e de 4 anos) e o 29/11 (grupo de 5 anos).
Os contidos traballados foron: concepto de familia: amor, coidados, seguridade e respecto, diversidade e igualdade, corresponsabilidade. Nestas sesións participaron: 25 crianzas de EI de 3 anos, 26 crianzas de EI de 4 anos e 23 crianzas de EI de 5 anos.
1º e 2º de EP, obradoiro “Para gostos, cores!”
Realizouse unha sesión de 50 minutos por grupo (dous de primeiro e dous de segundo). Estas tiveron lugar o martes 19/11 (2ºA e 2ºB), mércores 20/11 (1ºA) e o xoves 21/11 (1ºB).
Os contidos traballados foron: estereotipos e roles de xénero, autoestima e autoconcepto, identidade, respecto á diversidade, igualdade de oportunidades: dereitos e liberdades. Nestas sesións participaron: 35 crianzas de 1º de EP e 38 crianzas de 2º de EP.
3º e 4º de EP, obradoiro “Entendendo e transformando as desigualdades de xénero”
Realizouse unha sesión de 50 minutos por grupo (dous de terceiro e dous de cuarto). Estas tiveron lugar o martes 19/11 (3ºA e 3ºB) e mércores 20/11 (4ºA e 4ºB).
Os contidos traballados foron os seguintes: estereotipos e roles de xénero, estereotipos e papeis de xénero, desigualdades de xénero e como estas inflúen no desenvolvemento dos proxectos vitais e de mulleres e nenas; autoconcepto e autoestima, respecto á diversidade, igualdade de oportunidades: dereitos e liberdades. Nestas sesións participaron: 40 crianzas de 3º de EP e 49 crianzas de 4º de EP.
5º e 6º de EP, obradoiro “Cultivando botrato”
Consistiu nunha sesión de 50 minutos por cada grupo (dous de quinto e dous de sexto). Estas tiveron lugar o martes 19/11 (5ºA e 5ºB) e mércores 20/11 (6ºA e 6ºB).
A través de diferentes dinámicas traballamos os seguintes contidos: identificación de prácticas de maltrato e consecuencias da violencia de xénero, definición de botrato e recoñecemento de prácticas que axudan a coidarnos e construír relacións igualitarias, resolución positiva de conflitos e comunicación non violenta. Nestas sesións participaron: 47 crianzas de 4º de EP e 47 crianzas de 6º de EP.
Luns, 18 de novembro de 2024.
CULTIVANDO o BoTrato. Curso 2024/2025
A través da colaboración coa Consellería de Promoción do Emprego e Igualdade, continuamos avanzando cara a Igualdade efectiva entre mulleres e homes con accións que nos permiten coeducar aos nosos fillos e fillas nas competencias emocionais clave para o seu desenvolvemento integral, así como contribuír á consecución dos obxectivos de desenvolvemento sostible.
Un modelo de convivencia baseado no botrato repercute positivamente no autoconcepto e autoestima do alumnado, mellora as relacións interpersoais, favorece unha abordaxe non violenta e construtiva dos conflitos e reduce a aparición e cristalización de situacións de violencia.
Sendo un concepto e un enfoque aínda pouco coñecido, o botrato defínese nas relacións coas demais persoas e a contorna e refírese ás interaccións que promoven un sentimento de mutuo de recoñecemento, valoración, benestar e que ademais favorecen o desenvolvemento persoal e colectivo.
O botrato está asentado nos piares do recoñecemento mutuo, a empatía, a comunicación, a interacción igualitaria e a negociación. En definitiva contribúe a establecer relacións equitativas e a alimentar un clima de convivencia saudábel, xusto e posibilitador do pleno desenvolvemento do alumnado.
𝐄𝐃𝐔𝐂𝐀𝐍𝐃𝐎 𝐏𝐀𝐑𝐀 𝐔𝐍𝐇𝐀 𝐒𝐎𝐂𝐈𝐄𝐃𝐀𝐃𝐄 𝐌Á𝐈𝐒 𝐈𝐆𝐔𝐀𝐋𝐈𝐓𝐀𝐑𝐈𝐀. Curso 2023/2024
A través da colaboración coa Consellería de Promoción do Emprego e Igualdade, continuamos avanzando cara a Igualdade efectiva entre mulleres e homes con accións que nos permiten coeducar aos nosos fillos e fillas nas competencias emocionais clave para o seu desenvolvemento integral, así como contribuír á consecución dos obxectivos de desenvolvemento sostible, en concreto o ODS4: Educación de calidade e ODS5: Igualdade de xénero.
Este ano o proxecto crece para realizar máis actividades a través das que profundar en conceptos clave que son os piares dunha sociedade máis igualitaria.
Para iso desenvolveremos obradoiros co alumnado e coas familias así como un acto final de sensibilización polo 25N Día Internacional da eliminación da violencia contra as mulleres.
As actividades co alumnado comezarán o xoves 16 de novembro en horario lectivo onde os máis maiores prepararán unha performance, axudados por Ramón Torrente, que amosarán ás familias ese mesmo día pola tarde co fin de que coñezan o que aprenderon e posteriormente realizar unha reflexión conxunta.
O venres 17 de novembro realizaranse os obradoiros para o alumnado de 3º, 4º e 5º de E.P. adaptados á súa etapa de desenvolvemento para promover a igualdade dunha maneira participativa e utilizando o xogo como ferramenta de aprendizaxe.
O proxecto finalizará o venres 24 de novembro, día previo ao 25N, onde todo o centro participará en actividades de promoción da igualdade de xénero a través das sesións de contacontos para os máis pequenos que realizará Uxía Morán, e unha actividade final e musical a cargo do Cristina Eiró e María Mendoza.
Todo o proxecto susténtase nas metodoloxías de aprendizaxe-servizo e aprendizaxe baseado no xogo, fomentando un acceso á información máis atractivo e motivador, sempre coa finalidade de que o alumnado e os pais e nais sensibilícense sobre a temática do proxecto.
Para o uso destas metodoloxias e a realización das actividades co alumnado no seu horario escolar, é esencial a colaboración co equipo directivo, de orientación do centro e dos profesores e profesoras coordinados en todo momento co persoal da ANPA a quen agradecemos a súa colaboración para facer posible de novo este ano a realización do proxecto.
Toda a información sobre os contidos e as actividades realizadas publicarase na web da ANPA e nas Redes Socias, para que sexa accesible a todas as familias.
O xoves 16 de novembro en horario lectivo, o alumnado de 6º de Primaria traballaron na aula con Ramón Torrente, preparando unha performance, que logo mostraron ás familias asistentes pola tarde.
O obxectivo foi amosar ás familias os coñecementos adquiridos na aula e posteriormente realizar unha reflexión conxunta entre tod@s.
O venres 17 de novembro realizáronse os obradoiros para o alumnado de 3º, 4º e 5º de E.P. adaptados á súa etapa de desenvolvemento, promovendo a igualdade dunha maneira participativa, e utilizando o xogo como ferramenta de aprendizaxe.
EDUCANDO PARA UNHA SOCIEDADE MÁIS IGUALITARIA. Curso 2022/2023.
A ANPA do Ceip A Ponte neste curso 2022/2023, iniciamos un proxecto coas familias e o alumnado do centro para traballar sobre os temas que máis lles preocupan, e recibir formación sobre como poder abordalos e coeducar aos seus fillos e fillas. Estas actividades terán lugar durante o mes de novembro de 2022.
OBXECTIVOS DO PROXECTO DE IGUALDADE
-
- Impulsar a formación, sensibilización e información das familias na perspectiva de xénero.
-
- Traballar a Educación Emocional como sustento da creación dun concepto de xénero construtivo que respecte a diferencia, contemple a igualdade dende os dereitos humanos e suprima as relacións de uso abusivo do poder e a violencia sistémica no exercicio das relacións persoais.
-
- Eliminar os estereotipos de xénero e fomentar a coeducación para lograr unha educación pola igualdade, como paso previo para a eliminación das desigualdades entre mulleres e homes e previr e loitar a violencia que se exerce contra as mulleres.
METODOLOXÍA
Traballaremos a igualdade dun xeito activo, baixo o enfoque de aprender facendo. Neste senso comezaremos por realizar un estudo entre o alumnado do último ciclo, para recoller as súas preocupacións e curiosidades con respecto a Igualdade, a Violencia de Xénero e a súa manifestación nas Redes Sociais, a Sexualidade ou a calquera outro tema que para eles e elas sexa relevante en torno á temática do proxecto.
Posteriormente levaremos estes datos aos obradoiros a realizar, intervindo naqueles eidos nos que as enquisas nos marquen.
Cada obradoiro realizarase de forma virtual ou presencial. Abordaremos a educación en igualdade utilizando a gamificación, cada obradoiro de 50 minutos consistirá nun xogo e na cocreación das conclusións finais de xeito colaborativo.
Coas familias profundizaremos nun obradoiro en como educar no bo uso das novas tecnoloxías, en dúas partes diferenciadas ao longo de unha hora e media. A primeira parte estará enfocada a como axudar ás crianzas ao consumo de produtos audiovisuais/xogos que fomenten os valores da igualdade, e a segunda parte en educar ás crianzas de como autoprotexerse no mundo virtual, e como limitar a exposición para evitar ciberataques na rede.
ACTIVIDADES E CONTIDO
ESTUDO INICIAL DE DETECCIÓN DE NECESIDADES: Estudo entre o alumnado de 4º, 5º e 6º de primaria sobre a situación inicial en torno á igualdade.
Número estimado de persoas participantes: 150 páx. (80 Mulleres; 70 Homes)
Data de realización: 02/11/2022 ao 04/11/2022
GAMING EN IGUALDADE: 6 obradoiros de 50 minutos, 1 por curso, de carácter virtual e/ou presencial sobre a educación en igualdade a través da gamificación e performance no que se traballan os contidos antes indicados.
Número estimado de persoas participantes: 300 páx. (170M; 130H)
Data de realización: 07/11/2022 ao 09/11/2022
ACTIVIDADES COAS FAMILIAS:
Accións de formación para as familias tratando o uso adecuado e crítico da internet e as novas tecnoloxías, especialmente na protección da privacidade e sobre os ciberdelitos.
EDUCAR NO BO USO DAS NOVAS TECNOLOXÍAS:
Formación para país e nais do centro enfocada a como axudar ás crianzas ao consumo de produtos audiovisuais/xogos que fomenten os valores da igualdade entre persoas, o non sexismo, a non violencia.
Ensinando ás familias a educar ás nenas/os de como autoprotexerse no mundo virtual, e como limitar a exposición para evitar ciberataques na rede.
Duración estimada de 90 minutos.
IMPARTE: SANTI REY
Presidente da Asociación educativa Atlantics,
Codirector de #internetdetucolorfavorito.
Divulgador de #seguridadtic #educación e #comunicación.
Informático forense na policía científica do CNP en Galicia
Esta actividade contará cun servizo de ludoteca para facilitar a conciliación familiar mentras os
pais/nais acuden a acción de formación.
Número estimado de persoas participantes: 150 páx. (80 M; 70 H)
Data de realización: 151/1/2022 ás 19:00 h
INSCRICIÓN no Obradoiro neste formulario on line: https://bit.ly/3zzNsqA
CONCLUSIÓNS FINAIS DO PROXECTO
Diseño dunha imaxe para todo o proxecto que difundiremos a través de diferentes soportes, tanto físcos como online.
Realización dun vídeo final sobre a execución do proxecto que se difundirá entre a comunidade educativa.
Confección dunha memoria final onde se recolla o desenvolvemento do proxecto e das conclusións que axuden a seguir traballando nunha igualdade real e efectiva.
Obradoiros do Proxecto de igualdade
Na semán do 7 ao 10 de novembro, comenzamos coas actividades do 𝐏𝐫𝐨𝐱𝐞𝐜𝐭𝐨 𝐝𝐞 𝐈𝐠𝐮𝐚𝐥𝐝𝐚𝐝𝐞 no colexio, e a primeira etapa son os 𝐎𝐛𝐫𝐚𝐝𝐨𝐢𝐫𝐨𝐬 𝐜𝐨 𝐚𝐥𝐮𝐦𝐧𝐚𝐝𝐨.
Os datos recollidos nunha enquisa inicial, lévanse aos Obradoiros, incidindo onde marquen as enquisas e onde abordarase a educación en igualdade, utilizando a gamificación. Cada obradoiro de 50 minutos consistirá nun xogo e na cocreación das conclusións finais de xeito colaborativo.
Obradoiro coas familias.
🚸 𝐎𝐛𝐫𝐚𝐝𝐨𝐢𝐫𝐨 𝐜𝐨𝐚𝐬 𝐟𝐚𝐦𝐢𝐥𝐢𝐚𝐬
Educar no bo uso das novas tecnoloxías
🗓 Martes 15 de novembro
⌚️ 19:00h
📌 Salón de actos, CEIP A Ponte
Duración estimada: 90 minutos.
**Actividade aberta a todas/os as/os nais/pais do colexio
Formación para as familias do centro, enfocada a como axudar ás crianzas ao consumo de produtos audiovisuais/xogos que fomenten os valores da igualdade entre persoas, o non sexismo, a non violencia.
𝐈𝐌𝐏𝐀𝐑𝐓𝐄: 𝐒𝐀𝐍𝐓𝐈 𝐑𝐄𝐘
Presidente da Asociación educativa Atlantics,
Codirector de #internetdetucolorfavorito.
Divulgador de #seguridadtic #educación e #comunicación.
Informático forense na policía científica do CNP en Galicia
𝐈𝐍𝐒𝐂𝐑𝐈𝐂𝐈Ó𝐍 𝐎𝐍𝐋𝐈𝐍𝐄: https://bit.ly/3zzNsqA
𝐋𝐔𝐃𝐎𝐓𝐄𝐂𝐀:
Esta actividade contará cun servizo de ludoteca para facilitar a conciliación familiar mentras as nais/pais acuden a acción de formación.
Duración estimada: 90 minutos.
Acto de clausura
Pintamos o mundo de laranxa
