Como en cursos pasados, antes das próximas datas de Nadal, realizaremos o agasallo dun libro aos alumnos/as do CEIP A Ponte, dentro dun proxecto de fomento da lectura promovido desde a ANPA.
En relación a estas campañas de fomento da lectura, notificamos que a realizada no pasado curso, foi financiada a través dunha subvención concedida pola Deputación Provincial de Ourense.
A ANPA do Ceip A Ponte, neste curso 2024/2025, desenvolverá un proxecto coas familias e o alumnado do centro, para traballar sobre os temas que máis lles preocupan, e recibir formación sobre como poder abordalos e coeducar aos seus fillos e fillas.
Estas actividades terán lugar durante o 𝐦𝐞𝐬 𝐝𝐞 𝐧𝐨𝐯𝐞𝐦𝐛𝐫𝐨, durante varias xornadas, entre os días 19 e 30, con diferentes enfoques segundo as idades dos nen@s.
A través da colaboración coa Consellería de Promoción do Emprego e Igualdade, continuamos avanzando cara a Igualdade efectiva entre mulleres e homes con accións que nos permiten coeducar aos nosos fillos e fillas nas competencias emocionais clave para o seu desenvolvemento integral, así como contribuír á consecución dos obxectivos de desenvolvemento sostible.
Un modelo de convivencia baseado no botrato repercute positivamente no autoconcepto e autoestima do alumnado, mellora as relacións interpersoais, favorece unha abordaxe non violenta e construtiva dos conflitos e reduce a aparición e cristalización de situacións de violencia.
Sendo un concepto e un enfoque aínda pouco coñecido, o botrato defínese nas relacións coas demais persoas e a contorna e refírese ás interaccións que promoven un sentimento de mutuo de recoñecemento, valoración, benestar e que ademais favorecen o desenvolvemento persoal e colectivo.
O botrato está asentado nos piares do recoñecemento mutuo, a empatía, a comunicación, a interacción igualitaria e a negociación. En definitiva contribúe a establecer relacións equitativas e a alimentar un clima de convivencia saudábel, xusto e posibilitador do pleno desenvolvemento do alumnado.
O venres 8 de novembro celebrouse no noso cole o tradicional magosto onde nos faltaron as castañas, os chourizos e a festa.
Desde a ANPA “en funcións” quixemos colaborar aportando a contratación dun grupo de música tradicional, o coste do 50% dos bolos preñados e das bicas, e tamén xestionamos a comida dos nen@s con intolerancias alimenticias.
O MÉRCORES 30 DE OUTUBRO celebraremos o SAMAÍN no colexio, e para elo desde a ANPA do CEIP A Ponte convidamos aos socios/as a unha Festa «terrorífica» e chea de troula.
HORARIO DA FESTA: de 16:30 a 20:00h.
ENTRADA pola porta do Patio de Infantil (Parque Xesús Pousa).
INSCRICIÓN OBRIGATORIA para poder asistir á FESTA de SAMAÍN, podedes facelo neste formulario (pincha no enlace).
INSCRICIÓNS: soamente se poderán inscribir persoas socias ao corrente de pagamento. A data límite de inscrición é o luns 28 de outubro ás 15:00 h.
A súa inscrición estará formalizada cando reciba no email un correo coas respostas facilitadas (é un correo automático que envía o formulario de Google).
ACTIVIDADES PREVISTAS NA FESTA DE SAMAÍN:
Túnel do medo (Adaptado para as diferentes idades)
Pintacaras de samaín
INCHABLES
Merenda + auga (Alerxias e intolerancias, marcadeo no formulario de inscrición)
Troula musical
NORMAS DE PARTICIPACIÓN NA FESTA DE SAMAÍN
Esta actividade é gratuita para todos/as os/as socios/as da ANPA do CEIP A Ponte (necesario estar ao corrente de pago da cuota para o curso 2024/2025 antes de realizar a inscrición na festa).
A hora de ENTRADA NA FESTA será escalonada. Pola porta do Patio de Infantil (Parque Xesús Pousa):
Deben de vir ACOMPAÑADOS/AS os/as nenos/as de Educación Infantil e nenos/as con necesidades especiais, da súa nai/pai ou titor legal. Máximo unha persoa por neno/a. Poden estar varios nenos/as acompañados dun único adulto.
A hora de SAÍDA DA FESTA será escalonada. Pola porta do Patio de Infantil (Parque Xesús Pousa):
SAÍDA ANTICIPADA DA FESTA: soamente permitida en horario de 18:15 a 18:30. Nin antes nin despois se poderá recoller a ningún/ha nena/o.
En canto á merenda, para alerxias e intolerancias, encontraredes unha opción no formulario de inscrición para facelo constar. Buscaremos un menú adaptado ás necesidades concretas.
ESTÁ PROHIBIDA A ENTRADA DE: máscaras que tapen a cara, teléfonos móviles, e calquer complemento que poida causar algún dano, tales como: espadas, paos, cadeas,…
Toda/o nena/o debe ter un comportamento correcto e respecto cara ás demais persoas que nesta festa participan, así como coas instalacións do centro, podendo ser expulsado do SAMAÍN 24 por un reiterado mal comportamento.
¿TEDES ALGUNHA DÚBIDA? Podedes contactar connosco vía mail: directiva@aponteanpa.gal
DATA: luns 21 de outubro de 2023
HORARIO: 19:00 horas
LUGAR: Ximnasio de abaixo, CEIP A PONTE
ORDE DO DÍA