Para formar parte da ANPA do CEIP A Ponte será necesario:  Cubrir este formulario online. Enviar por mail o xustificante de pago da cuota a: contacto@aponteanpa.gal A CUOTA DE SOCIO/A: 20 euros para aquelas familias cun único nena/o no CEIP A Ponte. 30 euros para as familias que teñen máis de unha nena/o no CEIP A Ponte. O ingreso deberá de realizarse mediante transferencia bancaria ou presencialmente en calquera sucursal de CAIXA RURAL GALEGA, na conta a nome da ANPA: IBAN: ES47 3070 0043 0163 1796 0224 **No concepto debe figurar o NOME DE CADA NENA/O E CURSO.    DATA LÍMITE PARA FACER A INSCRICIÓN: 12 OUTUBRO 2023   SEGURO ESCOLAR: Igual que en anos anteriores, existe a posibilidade de contratar un Seguro de accidentes cun custe de 6€ nena/o. Podedes consultar aquí as coberturas. **Pódese sumar esta cantidade ao facer o pago da cuota de socia/o. ** A cobertura do seguro comeza o 1 de outubro de 2023. ACTIVIDADES: Nestes momentos estamos traballando na oferta de  ACTIVIDADES EXTRAESCOLARES, das que nos próximos días teredes máis información. A previsión é que podamos comezar o día 2 de outubro. BENEFICIOS DE SER SOCIA/O DA ANPA:  O curso pasado as persoas socias beneficiáronse de: - Dun servizo de Acollida temperá que permitiu a conciliación familiar. - Dunha programación de actividades extraescolares.  - Dun magosto no cole. - Da entrega dun libro a cada nena/o por parte do Apalpador. - Dunha representación de Rosalía de Castro, que visitou o colexio. - Actividades no colexio para coñecer diferentes Entroidos da provincia de Ourense. - Dunha comparsa que participou no entroido de Frei Canedo. - Participación activa nun Proxecto de Igualdade, desenvolvido durante varias semanas, no CEIP A Ponte.   - Dun obradoiro nos Maios que tivo varios premios. - Dunha actuación circense e musical, para festexar o Día das letras galegas.  - O ANPA FEST, a festa final de curso con inchables, festa da escuma e moita diversión. - Dunha comunicación directa de todo o traballo institucional que se fixo no Consello escolar e coa Dirección do colexio. Por iso, para este novo curso que comeza queremos que os BENEFICIOS sigan medrando para as persoas socias da ANPA: - Disporán dun servizo de comedor para esporádicos. Informaremos en próximas datas das condicións deste servizo. - Participación nas actividades extraescoles, que comenzarán o luns 2 de outubro. En próximas datas comunicaremos a oferta para o curso 2023/24. - Disfrutarán das actividades festivas e outras complementarias, que terán lugar durante o curso, cun coste CERO. - Servizo de acollida temperá cun prezo reducido, e tamén o servizo de esporádicos. - Comunicación directa de todo o traballo institucional, tanto no Consello escolar como coa Dirección e outras administracións, para mellorar a educación que reciben as/os  nosas/os fillas/os.

Dende o mes de xuño, o CEIP A PONTE leva sufrindo un cúmulo de recortes tanto de persoal docente (3 MESTRAS), como de persoal laboral ( 1 COIDADOR). Estamos a reclamar á XUNTA os recursos humanos e materiais QUE NECESITAMOS E QUE NOS PROMETERON. A día de hoxe, non podemos dar cobertura a TODAS as necesidades do centro, isto IMPLICA un aumento da tensión da comunidade escolar, que fai que MERME A CALIDADE DO ENSINO QUE RECIBE TODO O ALUMNADO. Non estamos falando de algo puntual, estes RECORTES que se nos están aplicando, chegan dun día para outro, ata o punto de VULNERAR OS DEREITOS LABORAIS e fundamentais, de toda a comunidade educativa que implica que cunha falta de persoal, o alumnado deixe de ser atendido. Non somos un colexio de segunda categoria, merecemos os medios necesarios para atender dignamente e como se merecen, ao alumnado da ensinanza pública, para poder acadar a MÁXIMA CALIDADE DO TRABALLO que nel se realiza. Con este comunicado queremos que a sociedade saiba o que nos está a contecer. NON PEDIMOS NADA PARA NÓS, pedimos para as/os alumnas/os do CEIP A PONTE. Asdo. CLAUSTRO DO CEIP A PONTE E REFRENDADO POLO CONSELLO ESCOLAR .

O pasado día 27/07/2023 esta ANPA recibe comunicación por parte do Equipo Directivo do CEIP A Ponte da supresión dunha auxiliar coidadora do centro (de 3 coidadores/as pasan a ser 2) e tras a comunicación das 5 familias que teñen un fillo con necesidades decoidador/a a tempo completo no centro. EXPOÑEMOS Esta decisión que afecta directamente á calidade educativa e á inclusión deste alumnado, que segundo a “Orde do 8 de setembro de 2021 pola que se desenvolve o Decreto 229/2011, de 7 de decembro, polo que se regula a atención á diversidade do alumnado dos centros docentes da Comunidade Autónoma de Galicia” no seu articulado recóllese o seguinte :Artigo 79:1.Os centros docentes contarán coas persoas profesionais especializadas que necesiten para atender ás necesidades educativas a totalidade do alumnado que escolarizan; A proposta de atención ao alumnado por parte do profesorado especialista en Pedagoxía Terapéutica o de Audición e Linguaxe, se realizará segundo dispón o artigo 57 desta orden; Entre os recursos profesionais para atender á diversidade se considera ao persoal auxiliar coidador, o persoal interprete de linguaxe de singnos todas as persoas profesionais específicas que integran os centros de educación especial”Artigo 80:O persoal auxiliar coidador se entende como un recurso profesional de apoio aos centros docentes para atender ao alumnado con necesidades educativas especiais escolarizado no segundo ciclo da Educación Infantil, na Educación Primaria, enEducación Secundaria Obrigatoria e, excepcionalmente, en Educación Secundaria Postobligatoria que presente algunha das seguintes características: a) Necesidade de ser acompañado en todos ou en parte dos seus desprazamentos; b)Necesidade de asistencia na súa hixiene e aseo; c) Necesidade de asistencia imprescindible na súa alimentación; d) Necesidade de cambios posturais frecuentes ao longo da xornada escolar para os que careza de autonomía necesaria; e) Ausencia de hábitos básicos de autonomía e de vida en sociedade. As cinco familias ás que se lle foi comunicada a supresión teñen alumnado que presenta no seu dictame de escolarización “coidador a tempo completo” (tanto dentro, como fóra da aula ordinaria). Polo que é materialmente imposible que dous auxiliarescoidador poidan atender as necesidades deste 5 alumnos que, debido ás súas características particulares e diversidade funcional, precisan da súa axuda non só para a atención das súas necesidades básicas de autonomía persoal e desprazamento, se non tamén dentro das aulas en momentos lectivos nos que non teñen presente á súa PT de referencia (debido isto a que existe un gran número de alumnado con necesidades educativa, dificultades de aprendizaxe e outras sintomatoloxías que non precisan de coidador, excedendo a ratio de alumno por mestre especialista e véndose deste xeitosaturadas/os e ofrecendo unha intervención cunha carga horaria deficitaria para o alumnado que atenden, dado que non se amplía o catálogo de Mestres especialistas de PT e AL, algo moi necesario para executar unha boa intervención e unha inclusión axeitada deste alumnado.Isto vai sempre en detrimento de todos os alumnos con diversidade funcional, non só dos 5, e atenta contra os seus dereitos a ter unha ensinanza de calidade, igualdade de oportunidades e á…