En relación ao Campamento Concilia que desenvolve a ANPA do CEIP A Ponte, queremos comunicarvos que vimos de recibir a notificación da 𝐜𝐨𝐧𝐜𝐞𝐬𝐢ó𝐧 𝐝𝐚 𝐚𝐱𝐮𝐝𝐚 solicitada para esta actividade, tanto de xuño como de setembro, polo que nos vindeiros días procederemos á devolución do depósito realizado na quenda de xuño. De cara á quenda de setembro, que terá lugar do luns 2 ao venres 6, recordarvos que está aberto o prazo de inscrición ata o 28/08/24 ás 23:59h. ** Unha vez concedida a axuda, para o campamento de setembro non fai falta realizar ningún depósito. 👉 Formulario de inscrición: https://forms.gle/QiwMvWGprroCWRQC9

O martes 14 de maio disfrutaron tod@s @s nen@s do colexio dunha actuación teatral con motivo da próxima celebración do Día das Letras Galegas. A compañía "A Run Run Teatro" fixo varios pases, para as diferentes idades, dunha obra adicada a Lucía Villalta, para achegar a súa figura aos escolares do CEIP A Ponte.

O domingo 5 de maio tivo lugar a Festa dos maios na cidade de Ourense, participando nesta xornada festiva cun maio tradicional na categoría de "Maio infantil" e tamén un Maio artístico, elaborados polos nenos/as que acudiron ao obradoiro organizado pola Anpa, en colaboración coas súas familias.   Nun día moi desapacible e con choiva, estivemos situados nos soportais da Praza Maior. Durante toda a mañán os nenos/as estiveron disfrutando do ambiente da festa dos maios e cantando as coplas para o público. Tamén o fixeron para o Xurado desta edición, que tomou boa conta do bo facer dos cativos/as.

Desde a ANPA CEIP A PONTE queremos un ano máis dar a coñecer a festividade dos MAIOS dentro da nosa comunidade educativa, organizando un obradoiro para a confección de coplas e do Maio que se desenvolverá en 4 xornadas. Unha actividade pensada para a convivencia de pequenos/as, pais, nais e avós/oas, aínda que a participación pode ser individual. Non é obrigatorio participar nas 4 xornadas para poder inscribirse. ¿Cómo me apunto?Podedes apuntarvos aquí ata o 26 de abril (15:00h), cubrindo un sinxelo formulario. ¿Ten Custe?A actividade é de balde ¿Qué obxectivos ten a actividade?- Achegar a festa tradicional dos maios aos neno/as a carón das súas familias.- Coñecer a flora característica destas festas, realizando actividades divertidas e educativas.- Fomentar a relación interxeracional, escoitando tanto as propostas das/os nenas/os como as dos maiores.- Aprender a divertirse coa natureza. ¿Cando se desenvolve a actividdade?? Venres 26 abril, de 17:00 a 19:00h no CEIP A Ponte  Explicación da Festa dos Maios  Confección das coplas Venres 3 de maio, de 17:00 a 20:00h no CEIP A Ponte  Comezo da elaboración do Maio  Ensaio de canto das coplas Sábado 04 de maio, de 10:30 a 13:30h  no CEIP A Ponte  Remate do Maio  Canto das coplas Domingo 05 de maio, de 10:30 a 13:30h na Rúa do Paseo  Exposición do Maio e canto das coplas Agardamos que esta actividade sexa do voso agrado. Animádevos a participar e que vivan os Maios!!