Convocatoria de Asemblea extraordinaria da ANPA do CEIP A Ponte. DATA: luns 16 de decembro de 2024. HORARIO: 19:00 horas. LUGAR: ximnasio de abaixo, no CEIP A PONTE. ** Haberá servizo de LUDOTECA, para facilitar asistencia á Asemblea. O único punto do día será a presentación de candidaturas para formar unha nova Xunta Directiva, que colla o relevo da actual, en funcións desde o pasado 21 de outubro. Apelamos aos pais/nais do noso colexio, para que poidades formar un equipo de persoas con ganas de traballar polos nosos nenos/as, continuar coas actividades da ANPA e melloralas con novas ideas e propostas. Logo de varios cursos ao frente da nosa Asociación, as forzas e a motivación están xa esgotadas. Cremos que é preciso e positivo facer un relevo na Xunta Directiva, así que esperamos que poidades tomar o testigo.

Como en cursos pasados, antes das próximas datas de Nadal, realizaremos o agasallo dun libro aos alumnos/as do CEIP A Ponte, dentro dun proxecto de fomento da lectura promovido desde a ANPA. En relación a estas campañas de fomento da lectura, notificamos que a realizada no pasado curso, foi financiada a través dunha subvención concedida pola Deputación Provincial de Ourense.

A ANPA do Ceip A Ponte, neste curso 2024/2025, desenvolverá un proxecto coas familias e o alumnado do centro, para traballar sobre os temas que máis lles preocupan, e recibir formación sobre como poder abordalos e coeducar aos seus fillos e fillas. Estas actividades terán lugar durante o 𝐦𝐞𝐬 𝐝𝐞 𝐧𝐨𝐯𝐞𝐦𝐛𝐫𝐨, durante varias xornadas, entre os días 19 e 30, con diferentes enfoques segundo as idades dos nen@s. A través da colaboración coa Consellería de Promoción do Emprego e Igualdade, continuamos avanzando cara a Igualdade efectiva entre mulleres e homes con accións que nos permiten coeducar aos nosos fillos e fillas nas competencias emocionais clave para o seu desenvolvemento integral, así como contribuír á consecución dos obxectivos de desenvolvemento sostible. Un modelo de convivencia baseado no botrato repercute positivamente no autoconcepto e autoestima do alumnado, mellora as relacións interpersoais, favorece unha abordaxe non violenta e construtiva dos conflitos e reduce a aparición e cristalización de situacións de violencia. Sendo un concepto e un enfoque aínda pouco coñecido, o botrato defínese nas relacións coas demais persoas e a contorna e refírese ás interaccións que promoven un sentimento de mutuo  de recoñecemento, valoración, benestar e que ademais favorecen o desenvolvemento persoal e colectivo. O botrato está asentado nos piares do recoñecemento mutuo, a empatía, a comunicación, a interacción igualitaria e a negociación. En definitiva contribúe a establecer relacións equitativas e a alimentar un clima de convivencia saudábel, xusto e posibilitador do pleno desenvolvemento do alumnado.

O venres 8 de novembro celebrouse no noso cole o tradicional magosto onde nos faltaron as castañas, os chourizos e a festa. Desde a ANPA “en funcións” quixemos colaborar aportando a contratación dun grupo de música tradicional, o coste do 50% dos bolos preñados e das bicas, e tamén xestionamos a comida dos nen@s con intolerancias alimenticias.

O próximo luns 21 de outubro celebraremos a Asamblea Ordinaria anual da Anpa. Nos próximos días faremos a convocatoria oficial da mesma. Desde a ANPA queremos contarvos: Despois de varios cursos ao fronte da Asociación, consideramos que vai sendo hora de pechar un ciclo e deixar paso. Por iso, na vindeira Asamblea presentaremos o noso cese como membros da Xunta directiva. Polo tanto, facemos un chamamento a todas as persoas socias, para que se logre constituir un novo equipo e poida coller o relevo da actual directiva. Na próxima Asamblea formalizaríase ese relevo. Pola nosa parte tería todas as facilidades e información para levalo a cabo de maneira exitosa. Gustaríanos que unha nova Directiva axudara a mellorar a Anpa, para que sexa unha asociación dinámica, e contribúa ao aumento da calidade da educación que reciben as/os nosas/os fillas/os; a unha mellor conciliación familiar e como non.... a facer boas festas para as/os alumnas/os. Esperamos que entre todas/os poidamos conseguilo. ¡¡Vémonos o luns 21 de outubro!! Gardade a data na axenda 😉 ** P.D. Moitas grazas a todas as persoas que ao longo destes anos pasados puxeron parte do seu tempo e esforzo, en beneficio da comunidade educativa do noso colexio.