O luns 24 febreiro, desde a ANPA quixemos festexar o Día de Rosalía de Castro (23 de febreiro) traendo ao colexio a representación da obra "Aqueladoras de letras", representada por A RUN RUN. A actividade desenvolveuse na nova biblioteca, cunha sesión por niveles para primaria e outra sesión para infantil. ** Sinopse:"AQUELADORAS DE LETRAS". Encargadas de coidar, mimar e protexer a riqueza escrita que nos deixaron os nosos escritores e escritoras.Eu son Aqueladora. Nós quitámos o pó, dámoslle luz, arrincamos palabras mal escritas que poidan medrar ao seu redor, hidratamos....e sobre todo, sobre todofacemos que as palabras e os seus autores non se perdan no esquecemento....queremos que todo o mundo se achegue ao romanticismo de Rosalía.A vida de Rosalía de Castro como fío conductor desta contada teatralizada. Contos, Caldo, versos e cancións.

Unha das actividades previstas no Entroido, é a participación dunha comparsa representativa de nais/pais e nenas/nenos do nosos colexio, no Desfile de Frei Canedo. O luns 3 de marzo polas rúas do barrio. Aproveitaremos os disfraces empregados no desfile do colexio (venres 28 febreiro), coa temática de "Ao longo da historia" (as persoas maiores deberán ir disfrazadas da mesma etapa histórica que a nena/o que acompañan) para participar no Desfile de Frei Canedo. Para planificar con tempo a participación na actividade, precisamos que fagades a inscripción neste formulario:https://forms.gle/tgSA441WyH4Saxkp8 Esperamos que vos animedes a participar e que¡¡Viva o Entroido!!

Convocatoria de Asemblea extraordinaria da ANPA do CEIP A Ponte. DATA: luns 16 de decembro de 2024. HORARIO: 19:00 horas. LUGAR: ximnasio de abaixo, no CEIP A PONTE. ** Haberá servizo de LUDOTECA, para facilitar asistencia á Asemblea. O único punto do día será a presentación de candidaturas para formar unha nova Xunta Directiva, que colla o relevo da actual, en funcións desde o pasado 21 de outubro. Apelamos aos pais/nais do noso colexio, para que poidades formar un equipo de persoas con ganas de traballar polos nosos nenos/as, continuar coas actividades da ANPA e melloralas con novas ideas e propostas. Logo de varios cursos ao frente da nosa Asociación, as forzas e a motivación están xa esgotadas. Cremos que é preciso e positivo facer un relevo na Xunta Directiva, así que esperamos que poidades tomar o testigo.

Como en cursos pasados, antes das próximas datas de Nadal, realizaremos o agasallo dun libro aos alumnos/as do CEIP A Ponte, dentro dun proxecto de fomento da lectura promovido desde a ANPA. En relación a estas campañas de fomento da lectura, notificamos que a realizada no pasado curso, foi financiada a través dunha subvención concedida pola Deputación Provincial de Ourense.

A ANPA do Ceip A Ponte, neste curso 2024/2025, desenvolverá un proxecto coas familias e o alumnado do centro, para traballar sobre os temas que máis lles preocupan, e recibir formación sobre como poder abordalos e coeducar aos seus fillos e fillas. Estas actividades terán lugar durante o 𝐦𝐞𝐬 𝐝𝐞 𝐧𝐨𝐯𝐞𝐦𝐛𝐫𝐨, durante varias xornadas, entre os días 19 e 30, con diferentes enfoques segundo as idades dos nen@s. A través da colaboración coa Consellería de Promoción do Emprego e Igualdade, continuamos avanzando cara a Igualdade efectiva entre mulleres e homes con accións que nos permiten coeducar aos nosos fillos e fillas nas competencias emocionais clave para o seu desenvolvemento integral, así como contribuír á consecución dos obxectivos de desenvolvemento sostible. Un modelo de convivencia baseado no botrato repercute positivamente no autoconcepto e autoestima do alumnado, mellora as relacións interpersoais, favorece unha abordaxe non violenta e construtiva dos conflitos e reduce a aparición e cristalización de situacións de violencia. Sendo un concepto e un enfoque aínda pouco coñecido, o botrato defínese nas relacións coas demais persoas e a contorna e refírese ás interaccións que promoven un sentimento de mutuo  de recoñecemento, valoración, benestar e que ademais favorecen o desenvolvemento persoal e colectivo. O botrato está asentado nos piares do recoñecemento mutuo, a empatía, a comunicación, a interacción igualitaria e a negociación. En definitiva contribúe a establecer relacións equitativas e a alimentar un clima de convivencia saudábel, xusto e posibilitador do pleno desenvolvemento do alumnado.