Na semana do 13 ao 17 de febreiro, na antesala dos días fortes do Entroido na cidade, foron varias as visitas de máscaras tradicionais para dar a coñecer aos cativos/as algúns dos entroidos máis característicos da provincia de Ourense. Comenzamos o luns 13, coa visita de Paquita e Nicanor, máscaras típicas do Entroido de Seixalbo, no Concello de Ourense. En colaboración coa AV de Seixalbo e a Comisión de Festas de Seixalbo. O martes continuamos coa presenza no colexio do Boteiro de Viana do Bolo, e o seu fulión de bombos e aixadas. En colaboración co Concello de Viana do bolo. E rematamos o xoves 16 coa visita das Pantallas de Xinzo de Limia, que fixeron as delicias de todos/as os nenos/as do Ceip A Ponte. Actividade en colaboración coa Asociación A Pantalla, de Xinzo de Limia. Para ensalzar tamén a gastronomía típica destes días, durante a mañán hobou reparto de orellas de Entroido polas aulas do centro, que tiveron un éxito total, xa que non quedou nin a primeira. O venres 17, tivo lugar un fabuloso DESFILE DE ENTROIDO, organizado polo colexio e onde participando todos os nen@s e coa temático do Circo, o maior espectáculo do mundo. Deixámosvos un video da comitiva entroideira, que desfilou polas rúas do barrio, ateigadas de xente para contemplar aos participantes. O luns de Entroido, unha numerosa representación de familias do Ceip A Ponte participaron no desfile do Entroido de Frei Canedo. Levaron a ledicia e a troula polas rúas do barrio, e sobretodo os/as nenos/as foron os que máis disfrutaron desta actividade.¡¡Viva o Entroido!!
